Makale yazarı: Ali Kılınç Tarih, gün ve saat : 02. Nisan 2006 12:46:

Su yazıya cevaben: Aslı Dersim dilinde gelen Ray makale yazarı: Pir Ali Baba Tarih, gün ve saat : 13. Mart 2006 14:06:58:

RAY

Dısim’kide raye mane itiqat dano, juyoke na rayede bariyo gere na xizmeto biyaro hurend. juyoke
yiqra do deyraki tolıv vajino, rawa xora gore tore ve qeyde xu este. Xu sero çor him çewres çêver’ra
yeno vırastene. Hire mewqi serok yeno naskerdene. Na çor him, çewres çever ve hire mewqi niare:

1. Heq esto’ke esto, Xızır'ik nebiye dıyo.

2. Venga Heq dayene, Venga Heq eve zere pakiye Heq’ire duwa kerdena, na duwara ave mordem gune eve dare ve fikir pakbone ke duwe xu qewilbo. Na pakiyek niare:

1. Dara xu gere pak bo.
2. Hete er, edevira pak bo.
3. Zeraxuyabele gere pak bo.
4. Fikire xu gere hem zelal, hemik pak bo. Mordem eke na qeydey ard hurend, şikino ke duste Heq’de darera vindero, çı duwe xuve mınete xu este eve zere wesiye şikino bıkero.Venga Heq, eve dı qeydo beno:

Jüyine niyaz biyayis, mordem yaki hermete duste Heq’de eke xu ont dare eve zere pakiye duwa xuke kerde, virende dest’e xuyo raşt kele keno, dımaki nano çare xora, deyra dımak deste xu ano zeraxuyabele ser vindarneno, herme xuyo cep’ik keleka xode raşt vindarneno, sare xuk tene hete ver ser keno çewt. Jüyo binik, Ucax’ode bene top wuza zu cade venga Heq dane, yaki çe ju toliv’ide bene top wuza venga Heq dane.

3. Çıralıx, toliv’e wayire çıxas çiye deyra çiyoke zerera yeno eve zere wesiye eke giredayiyo kamij Ucax’o dano a Ucax’e, yaki a Ucax’era dano ju Pir. Tolıv, seweta itiqate xu na çıralıx dane Pir. Pero tolıv cuturke na çıralıx eve zere wesiye dane Pir, Pir’ik na çıralıxora kemasiya Ucax’ake esta yino tedarek keno, hona ju neyra ni qedino, yiyeke seye, feqire yaki vea’ye este kemasiya dinoki tedarek keno.

4. Roze Xızır guretene, Bınge roze Xızır, Xızır nebi ra dest keno cı. Heq qate xora neben Xızır diyayenera dot, ilme xorak zof çi dove cı. Xızır waxtoke neben gureta xu ser, wu çax hire roj roze gureto, a roza bımbareka ke roza poseme’ye yene’ra giredana a sewera sewa Xelyas vajina. Heq qate xora zerede hewla ve pesare, lewedek xuwa hayat cıre zu sıfre no ro. Xızır nebi cıre na sifrowoke niyo ro, dinora roze xu kenora, xuwa hayat sımeno a simetenera tipä sır beno. A roza na roza coka vane Xızır’o naziro saata tengede hazıro.

Cor dorme na çor qeydode eve qesa kılmıye ardra zo, dorme na çor qeydode tolıv’en ser hometera dewletiye ama vırastene. Hometa tolıvi eve itiqat ve yiqrariye wesiya xu ramıta. İtiqat ve yiqrariye eve taye qeydo ramina, nayera gorewoke homeda tolıvi ramitena idare, itiqat ve yiqrariyek na hire mewqi ser yena naskerdene. Na hire mewqi niare:

1. PİR, çiyoke wajino niaro, gere hezmeta Pirora bo, hete dare’ra, aqil’ra ve fikir’a gere rezbo, hete alimdariyera musnayena çor him, çewres çever gere tamam kero, gere pero qeydone idarey bı zono Cıbat ve mısletiyede gere bını her qesera eve fikire rej vejiyo. Juyoke Pir’iye rameno gere nino pörüne biyaro hurend.

2. RAYVER, mordemoke ju Ucax'ede yaki jov cayeke giredayiye a Ucax'e isoneke yi Ucax'ode resnenera, yiyeke wuza milet resnenera dinorak salıxtar vajino. Ray’edek cıra Rayver vajino. Rayver, Cıbat gıredayene, xızmeta merde kerdene, more birnayene, ninora jovik rawamade çı xızmeteke este gere yino pörüne biyaro hurend. İsono niane gere hunerdar bo. Çiyoke Rayver’a wajino niyare, gere hete aqil ve fikirra bê qusur bo, hete alımdariye ra, musnayena çor him, çewres çever gere bımuso. Ray’a hometa tolıvi’yede çıke este, yino pörüne gere bımuso, nayera dotik rawone yeligik gere bı zono; nuk yeno a manake her çira gere xevera xu bıvo.

3. MORŞIT, orte homeda tolıvi de lez, luzeke bene yaki zariya, bezariyake estawu halkeno, yêne wu qerar dano cı. Morşıt, juyoke eve zere pakiye xu onceno dare, dawa dinode eve rejiye tey niadano, qesekerdena dino eve haqa reze sevekneno. Tolıve ke sene bezariyake esta cıre her çi eskera qeseykene, wu cemaatte ke kam esto nı Pir, Rayver’ik bene yaki tolıv be qe qimete xu çino pörünora ke rajen eke gurete, morşıt sikino wuza qerar bido a esta. Morşıt, qeraroke da çı beno bıvo pöro qewil kene, tolıv niskine duste qerare Morşıt’e vindere. Çiyeke Pir, Rayver’a wajiye gere Morşıt’ik yino biyaro hurend. Ninora dotik rawa tolıv’iyede toreyeke este gere ino pörüne bımuso, nı çiyeke ta wajine ji kemorone cengiye. Tolıvi’yede lez, luze’ke este yaki zeriya, bezariya’ke este gere yino pörüno biyaro hurend. Mordemo ke na karo ano hurend wu sikinoke texte morsitede roniso.

Ali Kılınç